काठमाडौँ- भारतको नयाँ दिल्ली विधानसभाका लागि भएको निर्वाचनको प्रारिम्भिक नतिजा आउन थालेको छ। ५ फेब्रुअरीमा ७० सिटका लागि विधानसभा निर्वाचनको नतिजा आउन थालेको हो।
प्रारम्भिक रुझानअनुसार भारतीय जनता पार्टी (भाजपा)ले १३ सिटमा जित निकालेको छ भने ३४ सिटमा अग्रता बनाएको छ।
भाजपालाई आम आदमी पार्टीले पछ्याएको छ। हालसम्म सार्वजनिक नतिजाअनुसार आम आदमीले १० सिटमा जित निकालेको छ भने १३ सिटमा अग्रता बनाइरहेको छ। मत परिणाम प्राप्त हुने क्रम जारी छ।
यसअघि दिल्लीमा सरकार बनाएको आम आदमी अब प्रतिपक्षमा पुग्ने संकेत देखिएको छ भने भाजपा सरकारमा पुग्ने भएको छ। भाजपा २७ वर्षपछि दिल्लीको सत्तामा फर्कने भएको हो।
यसअघि सन् १९९८ मा भाजपाकी सुष्मा स्वराज मुख्यमन्त्री बनेकी थिइन्। त्यसपछि दिल्लीको सत्ताबाट भाजपा बाहिरिएको थियो।
यो चुनावमा कांग्रेसले कुनै पनि सिटमा अग्रता बनाएको छैन। यो चुनावमा भाजपा उम्मेदवार प्रवेश साहिब सिंहले दिल्लीका पूर्वमुख्यमन्त्री अरविन्द केजरीवाललाई हराएका छन्।
साहिव सन् १९९६ बाट १९९८ मा बीजेपीबाट दिल्लीको मुख्यमन्त्री भएका थिए। उनका छोरा ४७ वर्षका प्रवेशले केजरिवाललाई हराउन सफल भएका छन्। उनीहरुको मतान्तर ४ हजार ८९ छ। प्रवेशले ३० हजार ८८ मत ल्याउँदा केजरीवालले २५ हजार ९९९ मत पाए।
प्रवेशले सन् २०१३ मा दिल्लीको मेरौली चुनाव क्षेत्रबाट चुनाव जितेका थिए। सन् २०१४ र २०१९ मा उनी पश्चिम दिल्लीको चुनाव क्षेत्रबाट भारी मतले लोकसभा सांसद भएका थिए।
केजरिवालसँग चुनाव लड्नु अगाडि उनले नारा लगाएका थिए, ‘केजरिवाल हटाऔं, देश बचाऔ’।
सन् २०१५ मा भएको दिल्ली चुनावमा ७० सिटमा आमले ६७ स्थान जितेको छ। सन् २०१३ बाट राजनीतिमा आएको यो पार्टीले सन् २०२० को पछिल्ल्लो चुनावमा ६२ सिट ल्याएको थियो।
दिल्लीमा रहेका ७ लोकसभा निर्वाचनका सिटमध्ये ६ वटामा विजयी भएको थियो।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
