ओली सरकारले भ्रष्टाचारीलाई सफाइ दिइरहेको छ : नारायणकाजी श्रेष्ठ

नेकपा (माओवादी केन्द्र)का वरिष्ठ उपाध्यक्ष तथा पूर्व उपप्रधान तथा गृहमन्त्री नारायण काजी श्रेष्ठले भ्रष्टाचार विरुद्ध अभियानलाई निरन्तरता नदिइ उल्टै भ्रष्टाचारका दोषीलाई सफाइ दिने काम भइरहेको उनको भनाई थियाे।

विराटनगर विमानस्थलमा बुधबार सञ्चारकर्मीसँग कुरा गर्दै उनले ओली सरकारले भ्रष्टाचारका दोषीलाई कारबाही गर्नुको साटाे  सफाइ दिने काम भएको बताए।

उनले भने, ‘ हामीले भ्रष्टाचार विरुद्ध अभियान चलायौँ । तर, अहिले सरकारको त्यो काम अगाडि बढाएको छैन। बरु हाम्रो सरकारको पालामा भएका भ्रष्टाचारका दोषीलाई सफाइ दिने काम भइरहेको छ।’

उनले हालको सरकारको सय दिनको समिक्षा गर्न मेहनत गर्न  आवश्यक नरहेको बताएका छन्।  ओली सरकारले सय दिनमा कुनै सकारात्समक काम गर्न नसकेको भन्दै समिक्षा गर्ने बिषय नै नभएको बताएका हुन्।   बाढी पहिरो र डुबानमा परेकाहरूको खोज, उद्धार, राहत र पुनःस्थापनामा पनि सरकारले कुनै काम नगरेकाले सरकारको बारेमा त्यति धेरै मेहनत गरेर समीक्षा गरिरहनुपर्ने अवस्था नभएकाे उनले बताए।

अहिलेकाे परिस्थितीमा  दु‌ई वटा पार्टीले मिलेर बनेको सरकारले अध्यादेश ल्याउने खालको नभएको उनले बताए ।