
अमेरिकाको डेनभर अन्तर्राष्ट्रिय विमानस्थलमा अवतरण गरेको विमानमा आगलागी भएको छ।
१७२ यात्रु र चालक दलका ६ सदस्य रहेको विमान अवतरण भएपछि आगलागी सुरु भएको हो।
विमानमा सवार सबै जनालाई तुरुन्तै बाहिर निकालिएकाले कुनै अप्रिय घटना हुन नपाएको अधिकारीहरूले बताएका छन्।
इन्जिनमा समस्या आएका कारण आगो लागेको उनीहरूको भनाइ छ। आगलागी हुँदा विमानस्थलमा बाक्लो कालो धुवाँ निस्किएको थियो।