नेपाल लिटरेचर फेस्टिवलबाट बाहिरीयो सूर्य नेपाल

नेपाल लिटरेचर फेस्टिवलबाट चुरोट उत्पादक कम्पनी सूर्य नेपाल सूर्य नेपाल बाहिरीएको छ।

केही दिन अघिसम्म कुनै सेसनको स्पोन्सर नै रहेको सूर्य नेपाल विभीन्न दवाबपछि बाहिरीएको हाे। विभीन्न सञ्चार माध्यम र स्वास्थ्य सरोकारवालाहरुले सूर्तिजन्य पदार्थ विरुद्धको अभियानबारे आयोजकलाई सचेत गराउँदै विज्ञप्ती जारी गरेका थिए। सञ्चारमाध्यममा निरन्तर निगरानी र खबरदारी पछि नेपाल लिटरेचर फेस्टिवलको आयोजक बुकवर्म फाउण्डेशनले यसपटक सहयोगी संस्थाको सूचीमा सूर्य नेपाल नभएको स्पष्ट पारेको छ । आज अपरान्ह फेस्टिवलका लागि सहयोगीहरुको सूची सार्वजनिक गर्दा सूर्य नेपाल उल्लेख छैन ।

फेस्टीवलमा गण्डकी प्रदेशका पूर्व मुख्यमन्त्री खगराज अधिकारी,स्वास्थ्य मन्त्री प्रदीप पौडेल, पूर्व स्वास्थ्य मन्त्री गगन थापा लगायतलाई कार्यक्रममा बोलाइएको थियो तर उनीहरुले  यसपटक चुरोट कम्पनीको प्रायोजन छ कि छैन भनेर आयोजकसंग प्रष्ट जवाफ मागेका थिए । तर आयोजकले  यसपटक सूर्य नेपालको प्रायोजन नभएको आफूलाई आश्वस्त पारेका थिए। तरपनि एउटा सेसनमा सूर्य नेपालको स्पोन्सर नै थियो।

स्वास्थ्य तथा जनसंख्या मन्त्रालयले पनि मेला महोत्सवमा सुर्तीजन्य पदार्थको प्रायोजन कानून विपरित हुने भन्दै त्यसो गरिएको खण्डमा कानून बमोजिम कार्वाही गर्ने बताएको थियो। कतिपय अतिथिहरुले कार्यक्रममा सहभागिता जनाउन अनिच्छा प्रकट गर्न थालेपछि आयोजक थप दवावमा परेपछि सूर्य नेपाल बाहिरीएको हो।