सोमबार साँझ ५ बजे मन्त्रिपरिषदको बैठक बस्दैछ।
प्रधानमन्त्रीको सरकारी निवास बालुवाटारमा बस्ने गरी बैठक बोलाइएको प्रधानमन्त्रीको सचिवालयले जनाएको छ।
प्रधानमन्त्री निवास वालुवाटारमा पाँच बजे बैठक वोलाइएको हो। बैठकले आजै स्वास्थ्य सचिव नियुक्ती गर्ने सम्भावना समेत रहेको जनाइएको छ। स्वास्थ्य तथा जनसंख्या मन्त्रालयको सचिव डा.रोशन पोखरेल आइतवारबाट अनिवार्य अवकास भएसंगै सचिव पद खाली रहेको छ। मन्त्रालयमा रिक्त्त रहेको सचिवका लागि हाल मन्त्रालयमा कार्यरत अतिरिक्त सचिव डा.संगीता कौशल मिश्र, डा. विकास देवकोटा र डा.टंक बाराकोटी दौडमा रहेका छन्।
१२ औँ तह बढुवालाई आधार मान्ने हो भने डा मिश्रा अन्य दुई भन्दा अगाडि छन् तर सेवा प्रवेश र अनुभवको हिसावले डा देवकोटा अगाडी मानिन्छन्।
डा मिश्रालाई २१ असार २०७९ को मन्त्रिपरिषद् बैठकले १२ औँ तहमा बढुवा गरेको हो भने डा देवकोटा र डा बाराकोटी १० चैत २०७९ मा बसेको मन्त्रिपरिषद् बैठकबाट बढुवा भएका हुन्।
यद्धपी तीन जनाकै आ आफ्ना योग्यता र दक्षता भएका कारण तीनै जना सचिवका लागि योग्य छन्।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
