पोखरामा बेलुन विस्फोट हुँदा घाइते भएका उपप्रधानमन्त्री तथा अर्थमन्त्री विष्णु पौडेल अस्पतालबाट डिस्चार्ज भएका छन्।
उपचारका लागि कीर्तिपुरस्थित बर्न अस्पतालमा भर्ना भएका अर्थमन्त्री पौडेल सोमबार बिहान डिस्चार्ज भएका हुन्। अर्थमन्त्री पौडेलको जलनको घाउ निको हुँदै गएको र फोक्सोमा कुनै खराब असर नदेखिएकाले डिस्चार्ज गरिएको अस्पतालका निर्देशक डा. किरण किशोर नकर्मीले जानकारी दिए। यस्तै, पोखराका मेयर धनराज आचार्यलाई भने केही दिन अस्पतालमै राखिने भएको छ।
शनिबार कास्कीको पोखरामा पोखरा भ्रमण वर्ष-२०२५ को उद्घाटनका क्रममा बेलुन उडाउने क्रममा विस्फोट हुँदा अर्थमन्त्री पौडेल घाइते भएका थिए।
निर्देशक नकर्मीका अनुसार मेयर आचार्यमा उच्च रक्तचापको समस्या भएकाले हृदयरोग विशेषगसँग परामर्श भइरहेको र केही दिन थप उपचार गरिने छ। संक्रमणको जोखिमलाई कम गर्न मेयर आचार्यसँगको भेटघाटलाई बन्द गरिएको निर्देशक नकर्मीले जानकारी दिए।
शनिबार कास्कीको पोखरामा पोखरा भ्रमण वर्ष-२०२५ को उद्घाटनका क्रममा बेलुन उडाउने क्रममा विस्फोट हुँदा अर्थमन्त्री पौडेल र पोखराका मेयर आचार्य घाइते भएका थिए। उनीहरू दुवै जनालाई हेलिकोप्टरमार्फत शनिबार अपराह्न नै काठमाडौं ल्याएर कीर्तिपुरस्थित बर्न अस्पतालमा उपचारका लागि भर्ना गरिएको थियो।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
