नेपाल औषधी लिमिटेडले विश्व स्वास्थ्य सङ्गठनको मापदण्ड कुशल औषधी उत्पादन अभ्यास (जीएमपी) प्रमाणपत्र प्राप्त गरेको छ।
प्रमाणपत्र प्राप्त भएसँगै कम्पनीलाई औषधी बिक्री, विदेशमा निर्यात र अन्तर्राष्ट्रिय स्तरमा बोलपत्रमा सहभागी हुन बाटो खुलेको छ। हाल कम्पनीले १४ प्रकारका औषधि उत्पादन गरिरहेको छ। कम्पनी स्थापना भएको पाँच दशकपछि औषधी व्यवस्था विभागबाट अन्तरराष्ट्रिय मान्यताको जीएमपी प्राप्त गरेको हो।
कम्पनीका महाप्रबन्धक कैलाशकुमार पनेरुले सम्पूर्ण मापदण्ड पूरा गरेपछि प्रमाणपत्र प्राप्त गरको र आगामी दिनमा खोप उत्पादनका लागि पनि सहज भएको बताए।
विसं २०२९ सालमा कम्पनी स्थापना भए पनि जीएमपीको प्रावधान नभएको र प्रावधान आएपछि कम्पनीले औषधि उत्पादन बन्द गरेको थियो। तर विसं २०७४ सालदेखि कम्पनीले सो मापदण्डमा औषधी उत्पादन सुरु गरेपछि बल्ल जीएमपी प्राप्त गरेको हो।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
