बिरामीको संख्या बढ्दैं जाँदा राज्यले उपचारमा थेग्न नसक्ने अवस्था आउने स्वास्थ्य तथा जनसंख्यामन्त्री प्रदीप पौडेलले बताएका छन्। आइतबार स्वास्थ्य पत्रकार मञ्च नेपालको नवनिर्वाचित कार्यसमिति तथा सल्लाहकारहरुलाई बधाई दिन मन्त्रालयले आयोजना गरेको कार्यक्रममा बोल्दै मन्त्री पौडेलले सरकारले उपचारात्मक क्षेत्रमा बढी काम गरेको बताए।
पौडेलले बिरामी भएका नागरिकको उपचार गर्नुपर्ने दायित्व सरकारको भएतापनि अब निदानात्मक कार्यक्रममा जोड नदिए उपचार सेवा पूर्ण ढंगले पुर्याउँन सक्ने अवस्था नरहने बताएका छन्। निदानात्मक काम नभएमा राज्यले उपचारात्मक क्षेत्रमा मात्रै काम गर्न कठिन हुने उनको भनाइ छ।
राज्यले निरोधात्मक भन्दा उपचारात्मक क्षेत्रमा बढी ध्यान दिएकाले पछिल्लो समय बिरामीको सङ्ख्या बढिरहेकाले सोही अनुपातमा सङ्ख्या बढ्दा राम्रोसँग उपचार गर्न सक्ने अवस्था नरहने उनको भनाइ छ।
राज्यको दायित्व बिरामीलाई उपचार गर्ने हुँदाहुँदै पनि बिरामी नै हुन नदिने उपायमा लाग्नुपर्ने उनले बताए। मन्त्री पौडेलले विशेषगरी मानसिक समस्या ठूलो भएकाले यसबारे सचेत हुनुपर्ने बताए। राज्यले मानसिक समस्यालाई व्यवस्थित गर्नका लागि प्राथमिकतामा राख्न नसकेको स्विकार गर्दै उहाँले सचेतना अभियानमा लाग्न जरुरी भएको उनको भनाइ थियो।
मन्त्री पौडेलले स्वास्थ्य पत्रकार मञ्च नेपाल र मन्त्रालयको समन्वयमा विभिन्न अभियान गर्ने र त्यसको नीतिगत र व्यवहारिक कुरा व्यवस्थित गर्न तयार रहेको बताए।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
