सेन्सर पास भएसँगै फिल्म ‘लाज शरणम्’ बुधबार नै प्रदर्शनमा आउने भएको छ।
यस चलचित्रविरुद्ध यसअघि अदालतमा पात्रको विषयलाई लिएर मुद्दा परेको थियो। जसका कारण प्रदर्शन हुने नहुने अन्योल सिर्जना भएको छ।
तर, केन्द्रीय चलचित्र जाँच पास समितिले सेन्सर पास गर्दै देशभर पदर्शनको अनुमति दिएसँगै पूर्वनिर्धारित मिति बुधबारदेखि नै फिल्म प्रदर्शनमा आउने निश्चित भएको उक्त फिल्मका कलाकार सागर लम्सालले जानकारी दिए । उच्च अदालत पाटनले सेन्सरअघि फिल्म ‘लाज शरणम्’को प्रचार प्रसारमा रोक लगाएपछि ट्रेलर रिलिज स्थगित भएको थियो ।
उच्च अदालत पाटनका न्यायाधीशद्वय लालबहादुर कुवर र हेमन्त रावलको इजलासले केही दिनअघि अन्तरिम आदेश जारी गर्दै प्रचारप्रसारमा रोक लगाएको थियो ।
कर्तव्य ज्यान मुद्दामा रौतहट जिल्ला अदालतको आदेशले थुनामा रहेका नेपाली कांग्रेसका निलम्बित सांसद मोहम्मद अफताव आलमले दायर गरेको रिटमा अदालतले यस्तो आदेश गरेको हो ।
आलमले फिल्मको पोस्टरमा आफ्नो अनुहार झल्काउने गरेर देखाइएको र जसले आफूलाई अपहेलना गरेको र विचाराधीन मुद्दामा प्रभावित पारेको भन्दै रिट दायर गरेका थिए ।
फिल्ममा विजय बराल, अर्जुन घिमिरे , सागर लम्साल, हरिष निरौला, प्रियाना आचार्यलगायतका कलाकारले अभिनय छ। फिल्मलाई कुमार कट्टेलले ‘जिग्री’ ले निर्देशन गरेका हुन्।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
