नेपाल मजदुर किसान पार्टी (नेमकिपा)को अध्यक्षमा नारायणमान बिजुक्छे सर्वसम्मत भएका छन्।
मंगलबार सम्पन्न ८औँ राष्ट्रिय महाधिवेशनले उनलाई सर्वसम्मत अध्यक्ष चयन गरेको हो। ८४ वर्षका बिजुच्छेँ २०३१ सालयता निरन्तर अध्यक्ष छन्।
२०३१ साल माघ १० मा विधिवत् स्थापना भएको नेमकिपाको स्थापनाकालदेखि नै बिजुक्छे सर्वसम्मत अध्यक्ष हुँदै आएका छन्। उमेरले ८५ वर्ष पुगेका बिजुक्छेले २०७४ को चुनावबाट संसदीय राजनीतिबाट विश्राम लिएका थिए। त्यसपछि भक्तपुर क्षेत्र नम्बर–१ को प्रतिनिधिसभा सदस्यमा नेमकिपाले २०७४ मा पार्टीका सचिव प्रेम सुवाललाई उम्मेदवार बनाएको थियो ।
महाधिवेशनले पार्टीको सचिवमा प्रेम सुवाल र कोषाध्यक्षमा मोहनप्रसाद प्रजापतिलाई सर्वसम्मत चयन गरेको छ।
महाधिवेशनले २९ सदस्यीय कार्यसमिति चयन गरेको छ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
