मधेशीलगायत देशका उत्पीडित समुदायको अधिकार र पहिचान स्थापितका लागि सबैभन्दा बढी त्याग आफ्नो पार्टीले गरेको नेकपा माओवादी केन्द्रका अध्यक्ष पुष्पकमल दाहाल प्रचण्डले बताएका छन्।
धनुषाको कमला नगरपालिका-३ पर्सामा आयोजित सहिद परिवार सम्मान तथा भेटघाटमा प्रचण्डले अब आफूलाई मधेशका मसिहा ठान्ने दलहरूबाट मधेशी जनताको मुक्ति सम्भव नभएको बताए ।
मधेश मुक्तिको जिम्मा माओवादीले नै लिने प्रतिबद्धता जनाएका उनले पोसाक मात्र नभई आफूहरूको मनमनमा मधेश रहेको बताए ।
प्रचण्डसहित पार्टी पदाधिकारी कुर्ता पाइजामामा सजिएर जनतासँग माओवादी तराई मधेश जागरण अभियानमा छन्।
मधेशी जनताका मुक्तिका लागि माओवादीले ठूलो बलिदान गरे पनि माओवादीकै विषयमा अनेकथरी भ्रम सिर्जना गर्ने प्रयास गरिएको उनको आरोप छ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
