नेकपा एमालेका सांसद सूर्य थापाले माओवादीकै कारण नेपाल ‘ग्रे लिस्ट’मा परेको जिकिर गरेका छन्।
सोमबार बसेको प्रतिनिधि सभाको बैठकमा बोल्दै सांसद थापाले एफएटीएफले तत्कालीन प्रचण्ड नेतृत्वको सरकारकै पालामा नेपालले गर्नुपर्ने कामको बारेमा जानकारी गराउँदा पनि तोकिएको शर्त पूरा नगर्दा यस्तो स्थिति आइलागेको जिकिर गरे।
‘फागुन ५ देखि ९ गतेसम्म सम्पन्न एफएटीएफको बैठकले एसिया प्रशान्त क्षेत्रमा नेपाल र लाओसलाई ‘ग्रे लिस्ट’मा राख्ने निर्णण गरेको छ,’ उनले थपे, ‘नेपाललाई सुधार गर्नुपर्ने भनी ०८० साउनमा दिएका चेतावनीहरुको आंशिक मात्र कार्यान्वयन गरेको ठहर गर्दै यो निर्णय भएको छ। र, म स्मरण गराउन चाहान्छु। त्यसपछिको एक वर्ष पुष्पकमल दाहाल देशको प्रधानमन्त्री हुनुहुन्थ्यो।’
सांसद थापाले प्रधानमन्त्री केपी शर्मा ओलीको राजीनामा मागेर माओवादीले अरण्यरोदन सुरु गरेको टिप्पणी पनि गरेका छन्।
‘विगत ७ महिनादेखि केपी शर्मा ओली देशको प्रधानमन्त्री हुनुहुन्छ। साथीहरुले प्रधानमन्त्रीको मार्ग प्रसस्तीको मागको अरण्य रोदन सुन्दा मलाई आश्चर्य लाग्यो,’ उनले भने।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
