भारतीय प्रधानमन्त्रीले भेटका लागि समय नदिएपछि देउवाको भारत भ्रमण स्थगित

नेपाली काङ्ग्रेसका सभापति शेरबहादुर देउवाको भारत भ्रमण स्थगित भएको छ।

उत्तर प्रदेश सरकारको आयोजनामा प्रयागराजमा हुने कार्यक्रममा वक्ताका रुपमा देउवालाई आमन्त्रण गरिएको थियो।  उनी ‘कुम्भ ग्लोबल समिट अन डेभलपमेन्ट एण्ड सस्टेइनबेलीटी’मा भाग लिन जान लागेका थिए। तर बिहीवार बिहान देउवाले अकस्मात् उक्त भ्रमण स्थगित गरेको कांग्रेस मुख्य सचिव कृष्णप्रसाद पौडेलले  जानकारी दिए।
।

देउवाले भारतीय प्रधानमन्त्री नरेन्द्र मोदी, विदेश मन्त्री एस जयशङ्करसँग भेटका लागि समय मागेका थिए तर उक्त भेटको लागि समय नमिलेपछि देउवाको भारत भ्रमण स्थगित भएको बताइएको छ।