साफ महिला च्याम्पियनसिपमा श्रीलंकाद्वारा माल्दिभ्स पराजित

श्रीलंकाले साफ महिला च्याम्पियनसिप २०२४ मा श्रीलंकाले माल्दिभ्सलाई पराजित गरेको छ।

दशरथ रंगशालामा शुक्रबार सम्पन्न समूह बी को खेलमा श्रीलंकाले माल्दिभ्सलाई १-० ले हराएको हो।  यससँगै श्रीलंकाले समूहमा ३ अंक जोडेको छ।

१८ औं मिनेटमा श्रीलंकाले इमेशा वार्नाकलासुरियाको गोलमा अग्रता लियो। उनले पहिलो हाफमा गरेको गोल नै निर्णायक सावित रह्यो।

दोस्रो हाफमा श्रीलंकाले अग्रता दोब्बर पार्ने अवसर गुमायो। प्रविनाले दायाँ विंगबाट दिएको क्रस गोलरक्षक अमिनाथले फर्काएपछि रिबाउन्डमा पाश्करण शानु ६ यार्ड बक्स भित्रबाट चुकिन्। गोलरक्षक लडिरहेको अवस्थामा उनले गरेको पहिलो टचको प्रहार पोस्टबाट निकै माथि गएको थियो।

दोस्रो हाफमा पनि गोलरक्षक लिजा लगातार बाधक बन्दा श्रीलंकाले अर्को गोल थप्न सकेन।