नेपालले आज र भोलि गरी आयरल्यान्डसँग टि २० सिरिजको दुई अभ्यास खेल खेल खेल्दै छ । पहिलो खेल आज सोमबार दिउँसो १ बजे टियु क्रिकेट मैदानमा सुरु हुनेछ । नेपालले दोस्रो खेल मङ्गलबार खेल्नेछ ।
नेपाली टाेलीकाे कप्तानका रूपमा रोहित पौडेल रहनेछन् र आयरल्यान्ड टाेलीकाे कप्तानी निल रकले सम्हाल्नेछन्। आयरल्यान्डको सिनियर टोलीबाट खेलेका ९ खेलाडी यस टोलीमा समेटिएका छन् ।
सिनियर टोलीका पिटर मुर, ग्यारेथ डेलानी र बेन ह्वाइट जस्ता स्टार खेलाडी आयरल्यान्डका मुख्य हतियार हुन् । पहिलो रोजाइका अलराउन्डर डेलानीले आयरल्यान्डबाट ६७ वटा टी २० आई खेल खेलेका छन् ।
नेपालका प्रमुख खेलाडीहरू दीपेन्द्रसिंह ऐरी, कुशल मल्ल र कुशल भुर्तेल टाेलीमा समावेश छन् । अभ्यास खेल हुँदा नेपालले आज बेन्च स्टेन्थ पनि परीक्षण गर्न सक्छ ।
नेपालले अनिल शाह, आकाश चन्द र विवेक यादवलाई आज मौका दिने सम्भावना छ । पछिल्लो समय राम्राे लयमा नभएका अभिनाश बोहरालाई पनि सुधार गर्ने राम्रो अवसर हुनेछ ।
आयरल्यान्ड ए को टोली
निल रक (कप्तान), पिटर मुर, रस आदिर,केड कार्माइकल, ग्यारेथ डेलानी, स्टीफन डोहेनी, म्याथ्यु फस्टर, फिन हृयान्ड, गेभिन होई, म्याथ्यू हम्फ्रेज, थोसम मेयस, लियाम म्याककार्थी, जेम्श म्याकुलम, मोर्गन टोप्पिङ र बेन हृवाइट ।
नेपालको टोली
रोहित पौडेल (कप्तान), आसिफ शेख, कुशल भुर्तेल, कुशल मल्ल, विवेक यादव, सन्दीप जोरा, अनिल शाह, गुलशन झा, दीपेन्द्रसिंह ऐरी, ललित राजवंशी, करण केसी, सोमपाल कामी, प्रतिश जि.सी., अभिनाश बोहरा र आकाश चन्द ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
