नेदरल्यान्ड्स युरोकप-२०२४ को क्वार्टरफाइनलमा प्रवेश गरेको छ।
एलियान्ज एरिनामा भएको खेलमा रोमानियालाई ३-० गोलअन्तरले पराजित गर्दै नेदरल्यान्ड्स क्वार्टरफाइनलमा प्रवेश गरेको हो । खेलको २०औँ मिनेटमा कोडी गाक्पोले गोल गर्दै नेदरल्यान्ड्सलाई सुरुवाती अग्रता दिलाएका थिए। पहिलो हाफमा १-० को अग्रता लिएको नेदरल्यान्ड्सले दोस्रो हाफमा थप दुई गोल गरेको थियो । खेलको ८३औँ मिनेटमा डोनिएल मालेनले गोल गर्दै नेदरल्यान्ड्सको अग्रता दोब्बर बनाएका थिए।
त्यसपछि इन्ज्युर समयको तेस्रो मिनेटमा मालेनले व्यक्तिगत दोस्रो गोल गरेपछि नेदरल्यान्ड्स रोमानियामाथि ३-० को जित निकाल्न सफल भयो । नेदरल्यान्ड्सले अब सेमिफाइनल प्रवेशका लागि टर्कीको सामना गर्नेछ।
टर्कीले अस्ट्रियालाई २-१ गोलअन्तरले पराजित गर्दै क्वार्टरफाइनलमा स्थान बनाएको हो।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
