आईसीसी टी-२० विश्वकपको फाइनलमा पुग्याे दक्षिण अफ्रिका

दक्षिण अफ्रिका आईसीसी टी-२० विश्वकपको फाइनल पुगेको छ।

बिहीबार अफगानिस्तानलाई हराउँदै दक्षिण अप्रिका फाइनल प्रवेश गरेको हो। अफगानिस्तानमाथि दक्षिण अफ्रिकाले ९ विकेटको शानदार जित निकालेको हो। ५७ रनको लक्ष्य पछ्याएको दक्षिण अफ्रिकाले ८.५ ओभरमा १ विकेट गुमाएर लक्ष्य भेटाएको हो।

२५ बलमा ३ चौका र १ छक्कासहित २९ रनमा रिजा हेन्डिक्स अविजित रहे। एडेन माक्ररम २१ बलमा ४ चौकासहित २३ रनमा नट आउट रहेका थिए।

यसपालिको विश्वकपमा दक्षिण अफ्रिका अपराजित रहँदै फाइनलसम्म पुगेको हो।  प्रतियोगितामा दक्षिण अफ्रिकाको यो आठौँ जित हो। यसअघि दक्षिण अफ्रिका फाइनलसम्म पुग्न सकेको थिएन।