चेल्सीले व्यहोर्याे नराम्रो हार : आर्सनल तालिकाको शीर्ष स्थानमा

गए राति भएको खेलमा चेल्सीले आर्सनलसँग ५–० को हार व्यहोरोको छ । प्रिमियर लिगमा सङ्घर्षरत चेल्सीले लिग उपाधि होडमा रहेको आर्सनलसँग हारेपछि लिगको नवौँ स्थानमा यथावत् छ भने आर्सनल शीर्ष स्थानमा उक्लिएको छ ।
आर्सनलको खेलमैदानमा भएको खेलमा काइ हाभार्डले २ बेन ह्वाइटले २ र लिएन्ड्रो ट्रोसार्ड ले १ गोल गरेका थिए । खेल सुरु भएको ४ मिनेटमा नै ट्रोसार्डले गोल गर्दै आर्सनललाई अग्रता दिलाएको थियो । बाँकी गोल दोस्रो हाफमा क्रमशः ५२ औँ मिनेटमा, ७५ औँ मिनेटमा, ६५ र ७० औँ मिनेटमा भएको थियो ।
चेल्सीका फरवार्ड निकोलस ज्याक्सनले फितलो प्रदर्शन गर्दा चेल्सीले यस्तो हार व्यहोर्न परेको हो । उनले डि एरियामा एक्लै लगेको बल पनि गोलमा परिणत गर्न सकेका थिएनन् ।