म्यान्चेस्टर सिटी एफ ए कपको फाइनलमा

काठमाडौं – म्यान्चेस्टर सिटीले एफ ए कपको फाइनलमा स्थान पक्का गरेको छ । गएराति भएको खेलमा चेल्सीलाई पराजित गर्दै फाइनल प्रवेश गरेको हो ।
निकै प्रतिस्पर्धात्मक खेलमा ८३ मिनेटसम्म कुनै टिमले गोल गर्न सकेको थिएन । ८४ अौँ मिनेटमा बर्नान्डो सिल्भाले डि एरिया भित्रबाटै बललाई चेल्सीको पोस्टमा जाली चुमाएका थिए ।
चेल्सीले खेलमा निकै अवसर पाए पनि अवसरको सदुपयोग गर्न सकेन । चेल्सीका फरवार्ड निकोलस ज्याकसनले एक्लै पोस्ट पुर्याएको बलसमेत गोल गर्न नसकेपछि खेलमा पराजित भएको हो ।
चेल्सीले पछिल्लाे समय सिटीसँग लगातार १० खेलमा १ खेलमा जित र २ खेलमा बराबरीको नतिजा निकालेको छ भने अन्य ७ खेलमा हार व्यहोरेको छ ।
आज राति ८:१५ मा हुने खेलमा म्यान्चेस्टर युनाइटेड र कभेन्ट्रीमध्ये जित निकाल्ने टोलीसँग सिटीले फाइनल खेल्नेछ ।