एफ ए कपको पहिलो सेमिफाइनल आज : चेल्सी र म्यान्चेस्टर सिटी भिड्दै

काठमाडाैँ – इङ्ल्यान्डको अर्काे घरेलु प्रतिस्पर्धा एफ ए कप को सेमिफाइनल चरण आजबाट सुरु हुँदै छ । आज पहिलो खेलमा चेल्सी र म्यान्चेस्टर सिटीको प्रतिस्पर्धा हुँदै छ । त्यस्तै दोस्रो खेल भोलि म्यान्चेस्टर युनाइटेड र कभेन्ट्री क्लबबिच हुनेछ ।
सेमिफाइनलको यात्रा तय गर्न म्यान्चेस्टर सिटीले लुटनलाई ६–२ ले हराएको थियो भने चेल्सीले लिड्सलाई ३–२ ले हराएर आफ्नो सेमिफाइनलको यात्रा तय गरेको थियो ।
सिटीलाई भर्खरै च्याम्पियन्स लिगबाट बाहिरिएको चोटमा मलम लगाउन पनि आजको खेलमा जित निकाल्न आवश्यक छ भने यसपालि प्रिमियर लिगमा निके कष्टकर यात्रा गरेको पीडालाई केही राहत पुर्याउन भए पनि आजको खेलमा जितको आवश्यक छ । चेल्सीले पछिल्लो ५ खेलमा सिटीसँग कुनै पनि जित निकाल्न सकेको छैन ।
उता भोलि हुने खेलमा म्यान्चेस्टर युनाइटेड कोभेन्ट्रीभन्दा बलियो देखिएको छ । पछिल्लो ५ खेलमा कभेन्ट्रीले युनाइटेडसँग कुनै पनि जित निकाल्न सकेको छैन ।
आजको खेल नेपाली समयअनुसार राति १०ः०० बजे सुरु हुनेछ भने भोलिको खेल ८ः१५ बजे सुरु हुनेछ ।