काठमाडौँ – गएराति भएको खेलमा चेल्सीका कोल पाल्मरले ४ गोल गरेपछि यसपालिको इङ्लिस प्रिमियर लिगमा उनको गोलसङ्ख्या २० पुगेको छ । योसँगै प्रिमियर लिगमा म्यान्चेस्टर सिटीका एर्लिङ हाल्यान्ड र पाल्मरको गोलसँग बराबर भएको छ ।
यस सिजनमा आफ्नो लयबाट निकै पछाडि परेको चेल्सीले अर्काे सङ्घर्षरत क्लब इभरटनमाथि ६–० को उत्कृष्ट जित निकाल्ने क्रममा पाल्मरले ४ गोल गरेका थिए । उनको यो सिजनमा दोस्रो ह्याट्रिक हो । यससँगै चेल्सी तालिकाको नवौँ स्थानमा उक्लिएको छ भने इभरटन सोह्रौँ सथानमा सङ्घर्षरत छ ।
पाल्मरको गोलसङ्ख्या २० पुगेसँगै प्रिमियर लिगको गोल्डेन बुटको दाबेदारको लाइनमा उभिन सकेका छन् । पाल्मर र ह्याल्यान्डको बराबर २० गोल छ भने उनीहरूलाई एस्टन भिल्लाका ओली वाटकिन्सले १९ गोलसहित पछ्याइरहेका छन् । १७ गोल गरेका लिभरपुलका मुहम्मद सलाह चौथो स्थानमा छन् भने १७ गोल नै गर्दै न्युक्यासलका एलेक्जेन्डर इसाक पाँचौँ र १७ गोल गरेका ब्राउनमाउथका डोमिनिक सोलाङ्के छैटौँ स्थानमा रहेका छन् ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
