नक्कली कागजात बनाएर प्रधानमन्त्रीको बदनाम गराउन खोजिँदैछः शंकर पोखरेल

नेकपा एमालेका महासचिव शंकर पोखरेलले नक्कली कागजात बनाएर प्रधानमन्त्री केपी शर्मा ओलीलाई बदनाम गराउने षडयन्त्र भइरहेको बताएका छन्।

सामाजिक सञ्जाल फेसबुकमा लेख्दै उनले सोमबार मेडिकल व्यवसायी दुर्गा प्रसाईंले गरेको पत्रकार सम्मेलनमा प्रसाईंले प्रस्तुत गरेका कागजातलाई इंगित गरेका हुन्।प्रसाईंले प्रधानमन्त्री ओलीले अर्बौं रुपैयाँ भ्रस्टाचार गरेको आरोप लगाएका थिए।

एमाले महासचिव पोखरेल लेख्छन्, ‘देशको प्रधानमन्त्री जस्तो जिम्मेवार व्यक्तिका विरुद्धमा नक्कली कागजात तयारगरी जनतामा भ्रम सिर्जना गर्नु राष्ट्र र जनताका विरुद्धको षडयन्त्र हो। कुनै पनि समाजका लागि षडयन्त्र र अराजकता त्यस समाजको भविष्यलाई वर्वाद बनाउने विषवृक्ष हो। यस प्रकारको षडयन्त्र र अराजकतावाट राष्ट्र र समाजलाई सुरक्षित गर्नु हामी सबैको कर्तव्य हो।