उपसभामुखलाई हटाउन खाेजपछि रास्वपाको आपत्ति

सत्ता गठबन्धनले उपसभामुख इन्दिरा रानालाई हटाउन प्रस्ताव लैजाने तयारी गरेपछि राष्ट्रिय स्वतन्त्र पार्टीले आपत्ति जनाएको छ।

प्रतिनिधिसभाको बैठकमा बोल्दै रास्वपा प्रमुख सचेतकसमेत रहेका सन्तोष परियारले उसभामुखलाई हटाउने प्रस्ताव लैजाने कुरा लोकतन्त्रमा मान्य नहुने बताए।

‘एउटा सम्मानित पदलाई संवैधानिक परिषद्‍मा आफ्नो बहुमत पुग्दैन भन्ने नाममा लोकतन्त्रका लागि लडेका आफूलाई मसिहा भन्ने राजनीतिक दलहरू उपसभामुखलाई हटाउने सल्लाह गर्दै हुनुहुन्छ,’ उनले भने, ‘रास्वपाले एउटा राजनीतिक मुद्दा गुमाउला, एउटा सम्मानित पद गुमाउला तर लोकतन्त्रको लागि रास्वपा सधैँ लड्नेछ।’

लोकतन्त्रमाथि धावा नबोल्न आग्रह गर्दै आज सहज भएपनि भोलि आफैंलाई अफ्ठ्यारोमा पर्न सक्ने भएकाले सचेत रहन आग्रह गरे।

लोकतन्त्रलाई सल्लाह गरेर मार्न खाजे जनता प्रतिवादमा सडकमा आउने चेतावनी दिए।