भारतको लोक सभा निर्वाचनको मत गणना जारी रहदा प्रधानमन्त्री नरेन्द्र मोदी नेतृत्वको गठबन्धननै अगाडि देखिएको छ । सुरुआतीमा मोदी नेतृत्वको गठबन्धन एनडीएले बहुमत सिटमा अग्रता लिएको छ । ५४३ सदस्यीय लोक सभामा बहुमतका लागि २७२ चाहिन्छ ।
बीबीसी हिन्दीका अनुसार समाचार तयार पार्दासम्म भारतीय जनता पार्टी (भाजपा) नेतृत्वको एनडीए गठबन्धनले २९१ सिटमा अग्रता लिएको छ । कांग्रेस नेतृत्वको इण्डिया गठबन्धन २ सय ३ सिटमा अगाडि छ ।
डेढ महिना लगाएर भएको आम निर्वाचनको बिहान ८ बजेबाट गणना सुरु भएको हो ।
प्रमुख निर्वाचन आयुक्त राजीव कुमारले अप्रिल १९ देखि जुन १ सम्म सात चरणमा भएको मतदानमा देशका ९६ दशमलव ८ करोड दर्ता भएका मतदातामध्ये ६४ दशमलव २ करोड मतदाताले आफ्नो मताधिकार प्रयोग गरेको बताए ।
१७ औं लोकसभाको समयावधी आगामी जुन १६ मा पुरा हुदैछ ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
