काठमाडाैँ – युरोपको फुटबलमा सबैभन्दा आकर्षक लिग च्याम्पियन्स लिगको क्वार्टर फाइनलका खेलहरु आजबाट सुरु हुँदै छ । नेपाली समयअनुसार राति १२ः४५ बजे दुई खेल सुरु हुँदै छ ।
स्पेनिस क्लब रियल मड्रिड र इङ्लिस क्लब म्यानचेस्टर सिटी आम्मेसाम्मे हुँदा अर्काे खेलमा जर्मनी क्लब बार्यन म्युनिकले इङ्लिस क्लब आर्सनलसँग भिड्नेछ ।
प्रि क्वार्टर फाइनलमा रियल मड्रिडले आर बी लिपजिङसँग जित निकाल्दै क्वार्टर फाइनलका लागि स्थान पक्का गरेको थियो भने म्यानचेस्टर सिटीले फुटबल क्लब कोपनहेगनलाई हराउँदै अन्तिम ८ मा स्थान बनाएको थियो ।
त्यस्तै बार्यन म्युनिकले प्रि क्वार्टर फाइनलमा लाजियोसँग जित निकाल्दै क्वार्टर फाइनलका लागि स्थान पक्का गरेको थियो भने आर्सनलले पोट्रोलाई हराउँदै अन्तिम ८ मा स्थान बनाएको थियो ।
भोलि राति पनि अर्काे दुई खेल हुनेछ । भोलि हुने खेलहरुमा स्पेनिस क्लब एथ्लेटिको मड्रिडले जर्मनी क्लब बोरुसिया डर्टमन्डको सामना गर्दैगर्दा फ्रान्सेली क्लब पेरिस सेन्ट जर्मन (पिएसजी) ले स्पेनिस क्लब बार्सिलोनासँग प्रतिस्पर्धा गर्नेछ ।
यस वर्षको च्याम्पियनको दाबेरदार मानिएका क्लबहरु रियल मड्रिड र म्यानचेस्टर सिटीको भिडन्त क्वार्टर फाइनलमै हुने भएकाले आजको खेल निकै रोमाञ्चक हुनेछ ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
