ललितपुरमा आगलागी हुँदा पाँच जना घाइते

ललितपुरमा आगलागी हुँदा पाँच जना घाइते भएका छन्। आइतबार बिहान करिब १० बजे ललितपुर महानगरपालिका वडा नम्बर १७ बाफलस्थित एक टहरामा आगलागी भएको हो।

जिल्ला प्रहरी परिसर ललितपुरका एसपी नरेशराज सुवेदीका अनुसार टिनले छाएको टहरोभित्र मोबिल राखेको ठाउँमा आगलागी हुँदा पाँच जना घाइते भएका हुन्। माेबिल राखेको ठाउँमा आगलागि भएकाले आगो नियन्त्रणमा लिन समय लागेको एसपी सुवेदीले जानकारी दिए। आगलागी नियन्त्रणमा आउने क्रममा रहेको एसपी सुवेदीले बताए। घाइतेहरू पाँचै जनालाई किष्ट अस्पतालमा लगिएको छ।