ताइवानमा शक्तिशाली भूकम्प गएको छ।
अमेरिकी भौगर्भिक सर्वेक्षणका ताइवानको पूर्वी तटीय ह्वालियन सिटीबाट १८ किलोमिटर दक्षिणमा केन्द्रबिन्दु बनाएर ७.४ म्याग्निच्युडको भूकम्प गएको हो।
यसलाई ताइवानमा २५ वर्षयताकै ठूलो भूकम्प भनिएको छ।
अहिले पनि पराकम्पहरू गइरहेको अन्तर्राष्ट्रिय सञ्चारमाध्यमहरूले उल्लेख गरेका छन्।
बीबीसीका अनुसार हालसम्म ४ जना मानिको मृत्यु भएको छ।
घरभित्र फसेका मानिसहरूको उद्धारकार्य जारी रहेको बीबीसीले उल्लेख गरेको छ।
तर घरहरूमा मानिसहरू च्यापिएको हुनसक्ने बताइएको छ।
भूकम्पका कारण राजधानी ताइपेइमा समेत विद्युत आपूर्ति अवरूद्ध भएको छ।
त्यस्तै छिमेकी मुलुकहरू जापान र फिलिपिन्समा सुनामी आउन सक्ने चेतावनी दिइएपनि अहिले त्यस्तो सम्भावना कम रहेको बताइएको छ।
उता ताइवानको केन्द्रीय मौसम प्रशासनले ६.५ म्याग्निच्युडदेखि ७ म्याग्निच्युडसम्मको पराकम्प जान सक्ने भएकाले सचेत रहन नागरिकलाई अपिल गरेको छ। आगामी ४ दिनसम्म यस्तो सम्भावना रहेको प्रशासनको भनाइ छ।
सन् १९९९ मा गएको भूकम्पमा परी ताइवानमा २४ सय जनाको मृत्यु भएको थियो भने ११ हजारभन्दा बढी मानिसको मृत्यु भएको प्रशासनको भनाइ छ।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
