भारतको केरल राज्यअन्तर्गत वायनाड क्षेत्रको लोकसभामा कंग्रेस आईकी उम्मेदवार प्रियंका गान्धी निर्वाचित भएकी छन्।
शनिबार सम्पन्न मतगणनाअनुसार प्रियंकाले ६ लाख २२ हजार ३३८ मत प्राप्त गर्दै विजयी भएकी हुन्। प्रियंकाका निकटतम प्रतिद्वन्द्वी सीपआईका सथ्यन मोकेरीले २ लाख ११ हजार ४०७ मत पाए। भारतीय जनता पार्टीकी नाभ्या हरिदासले १ लाख ९ हजार ९३९ मत पाइन्।
प्रियंकाले वायनाड निर्वाचनमा दाजु राहुल गान्धीको रेकर्ड तोडेकी छन्।
यसअघि राहुलले उक्त क्षेत्रमा ३ लाख ६४ हजार ४२२ मतान्तर बनाएर जितेका थिए। प्रियंका ४ लाख १० हजार ९३१ मतान्तरले विजयी भएकी हुन्। भाजपा उम्मेदवारसँगको मतान्तर ५ लाख १२ हजार ३९९ छ।
अघिल्लो चुनावमा उत्तर प्रदेको रायबरेली र वायनाड दुवै सिटमा निर्वाचित भएपछि राहुलले वायनाड छाडेपछि उपचुनाव भएको हो।
यो खबर पढेर तपाईलाई कस्तो महसुस भयो ?
खुशी
०%
०%
अचम्म
०%
०%
उत्साहित
०%
०%
दुखी
०%
०%
आक्रोशित
०%
०%
