पहिलोपटक नेपाली नाटक वेब–सिरिजको रूपमा आउँदै

गत वर्ष मण्डला थिएटरमा मञ्चन भएको नाटक ‘यौटा सपनाको अवसान’ वेब सिरिजको रूपमा आउने भएको छ । दर्शकले अब कान्तिपुर सिनेमाज् ओटीटीमा यसलाई हेर्न पाउने छन् ।

अनुप बराल निर्देशित यो नाटक वैशाख १ बाट बजारमा आउने भएको हो । ‘यौटा सपनाको अवसान’ अर्थर मिलरद्धारा लिखित ‘डेथ अफ सेल्सम्यान’ को अनुवादित नाटक हो । जसको अनुवाद विप्लव प्रतिकले गरेका हुन् ।

३ घण्टा ५ मिनेट लामो वेब सिरिजलाई ७ एपिसोडमा देखाइने भनिएको छ ।

कान्तिपुर सिनेमाजले सार्वजनिक गरेको पोस्टरमा कलाकार दीया मास्के, मेनुका प्रधान, दिव्य देव, विकास जोशी, शेखर चापागाईँ देख्न सकिन्छ ।

पहिलोपटक नेपाली नाटक वेब–सिरिजको रूपमा आउन लागेको हो । गत वर्ष मण्डला थिएटरमा एक महिनासम्म मञ्चन भएको नाटक ६ हजार दर्शकले हेरेका थिए ।